सिन्धुपाल्चोक — राष्ट्रिय स्वतन्त्र पार्टी (रास्वपा) सिन्धुपाल्चोक क्षेत्र नम्बर १ को आयोजनामा शुभ दीपावली, छठ पर्व र नेपाल संवत ११४७ लगायतका महान चाडपर्वहरूको सुअवसरमा एक भव्य शुभकामना आदानप्रदान तथा देउसी भैलो कार्यक्रम सम्पन्न भएको छ। नेपालीहरूको साझा चाडपर्वको गरिमालाई उच्च राख्दै आयोजित यस कार्यक्रमले स्थानीय स्तरमा छुट्टै उल्लास र उत्साह थपेको छ।

माननीय भरत प्रसाद पराजुलीको प्रमुख आतिथ्य र जीवन्त देउसी भैलो

सिन्धुपाल्चोक क्षेत्र नम्बर १ का प्रतिनिधि सभा सदस्य माननीय भरत प्रसाद पराजुलीको प्रमुख आतिथ्यतामा सम्पन्न उक्त कार्यक्रममा विभिन्न राजनीतिक, सामाजिक व्यक्तित्व तथा स्थानीय बासिन्दाहरूको बाक्लो उपस्थिति रहेको थियो।

कार्यक्रमको मुख्य आकर्षण स्वयं माननीय सांसद पराजुलीले मौलिक शैलीमा देउसी भैलो भट्ट्याउनु नै रह्यो। उहाँको यस सांगीतिक तथा सांस्कृतिक प्रस्तुतिले उपस्थित सबैलाई मन्त्रमुग्ध पार्दै कार्यक्रमलाई अझै जीवन्त, रोचक र उल्लासपूर्ण बनाइदिएको थियो। नेता र जनताबीचको सामीप्यता झल्काउने यस किसिमको प्रस्तुतिले परम्परागत संस्कृतिप्रतिको लगावलाई थप प्रगाढ बनाएको सहभागिहरूले बताएका छन्।

कला, संस्कृति र आपसी सद्भावको जगेर्ना

कार्यक्रममा वक्ताहरूले हाम्रो मौलिक कला, संस्कृति र परम्पराको जगेर्ना गर्नु आजको आवश्यकता रहेको औंल्याएका थिए। विविधताले भरिएको नेपाली समाजमा चाडपर्वहरूले आपसी सद्भाव, भाइचारा र सामाजिक एकतालाई सुदृढ पार्ने महत्त्वपूर्ण भूमिका खेल्ने कुरामा जोड दिइयो।

आयोजक समितिका तर्फबाट कार्यक्रममा उपस्थित हुनुहुने सम्पूर्ण आमाबुवा, दाजुभाइ तथा दिदीबहिनीहरूलाई हार्दिक धन्यवाद ज्ञापन गरिएको छ। स्थानीय जनताको सक्रिय सहभागिताले कार्यक्रमलाई ऐतिहासिक रूपमा सफल बनाउन सहयोग पुगेको बताइएको छ।

सुख, शान्ति र समृद्धिको कामना

दीपावलीको उज्यालो, छठको पवित्रता र नेपाल संवतको ऐतिहासिक महत्वलाई आत्मसात् गर्दै आगामी दिनहरूमा यस क्षेत्रको मुहार फेर्न र जनताको सुख–दुઃखमा सधैं साथमै रहने प्रतिबद्धतासमेत व्यक्त गरियो।

आउँदै गरेका यी यस्ता राष्ट्रिय पर्वहरूले सम्पूर्ण नेपालीहरूको घरपरिवारमा सुख, शान्ति, समृद्धि, दीर्घायु र उत्तरोत्तर प्रगतिको ढोका खोलोस् भन्दै राष्ट्रिय स्वतन्त्र पार्टी सिन्धुपाल्चोक क्षेत्र नम्बर १ ले देश तथा विदेशमा रहनुहुने सम्पूर्ण दाजुभाइ तथा दिदीबहिनीहरूमा हार्दिक मंगलमय शुभकामना व्यक्त गरेको छ।

डिजिटल विद्यालय निर्माण अभियानमा थाङपाल भ्याली माविलाई १८–१९ लाख सहयोग हुने

पाँचपोखरी थाङपाल गाउँपालिका– ४ स्थित थाङपाल भ्याली माध्यमिक विद्यालयले सञ्चालन गरेको डिजिटल विद्यालय निर्माण अभियानमा उत्साहजनक सहयोग जुट्ने

एमाले सिन्धुपाल्चोक–काठमाडौं सम्पर्क कमिटीको शुभकामना आदानप्रदान, देउसीभैलो तथा चियापान कार्यक्रम सम्पन्न

नेपालीहरूको महान् चाड तिहार, छठ पर्व तथा नेपाल संवत् ११४७ को अवसर पारेर नेपाल कम्युनिष्ट पार्टी (एमाले) सिन्धुपाल्चोक–काठमाडौं सम्पर्क कमिटीले

नेपाल मानव अधिकार संगठन सिन्धुपाल्चोक जिल्ला शाखाको अध्यक्षमा ताल्चाभडेल

नेपाल मानव अधिकार संगठन सिन्धुपाल्चोक जिल्ला शाखाको २८ औं साधारणसभा तथा सातौं जिल्ला अधिवेशन मेलम्चीमा सम्पन्न भएको छ ।अधिवेशनले राजेन्द्रमान