जिल्ला सुरक्षा समितिले आसन्न फागुन २१ गते हुने प्रतिनिधिसभा सदस्यको निर्वाचनका लागि रौतहटका तोकिएको दुई सय ७७ मतदानस्थलमध्ये एक सय ५२ मतदानस्थल अतिसंवेदनशीलको सूचीमा राखेको छ ।सुरक्षाका दृष्टिकोणले विभिन्न स्थानीय तहमा रहेका ती मतदानस्थल अतिसंवेदनशील सूचीमा राखेको जिल्ला सुरक्षा समितिका अध्यक्ष तथा प्रमुख जिल्ला अधिकारी दिनेशसागर भुसालले जानकारी दिए ।

एक सय मतदानस्थल संवेदनशीलको सूचीमा रहेका र बाँकी २५ मतदानस्थल सामान्य सूचीमा रहेको प्रजिअ भुसालले जानकारी दिए । रौतहट क्षेत्र नं १ मा ६७, क्षेत्र नं २ मा ७२, क्षेत्र नं ३ मा ७७ र क्षेत्र नं ४ मा ६१ मतदानस्थल रहेका छन् ।आगामी फागुन २१ गते हुने प्रतिनिधिसभाको निर्वाचनमा रौतहटमा पाँच सय ४१ मतदान केन्द्र कायम भएको जिल्ला निर्वाचन कार्यालयका प्रमुख छोटेलाल दासले जानकारी दिए ।

विसं २०७९ को प्रतिनिधिसभा निर्वाचनमा दुई सय ७६ मतदानस्थल कायम रहेकामा यस वर्ष एउटा स्थल थप गरिएको हो । गरुडा नगरपालिका–६ मा नयाँ मतदानस्थल थपिएको कार्यालय प्रमुख दासले जानकारी दिए ।यस वर्षको निर्वाचनमा रौतहटमा २१ हजार एक सय ५६ मतदाता थपिएका छन् । जिल्ला निर्वाचन कार्यालयका प्रमुख दासका अनुसार रौतहटमा अहिले चार लाख ३६ हजार ६११ मतदाता रहेका छन् ।

विसं २०७९ को प्रतिनिधिसभा निर्वाचनमा चार लाख १५ हजार ४५५ मतदाता थिए । दुई गाउँपालिका र १६ नगरपालिका रहेको रौतहटमा चार प्रतिनिधिसभा निर्वाचन क्षेत्र रहेका छन् ।

सिन्धुपाल्चोकमा नेपाली कांग्रेसको दुवै क्षेत्रीय अधिवेशन स्थगित

निशान परियार सिन्धुपाल्चोक। नेपाली कांग्रेसको जारी १५औँ महाधिवेशन प्रक्रियाअन्तर्गत सिन्धुपाल्चोक जिल्लाका दुवै प्रतिनिधिसभा निर्वाचन

दलित प्रतिनिधित्व कि अवसरको पुनरावृत्ति? : कांग्रेसको १५औँ महाधिवेशनसँगै सिन्धुपाल्चोकमा नयाँ नेतृत्वको बहस

सिन्धुपाल्चोक । नेपाली कांग्रेसको १५औँ महाधिवेशन नजिकिँदै गर्दा सिन्धुपाल्चोकमा दलित प्रतिनिधित्व र नेतृत्वको अवसरबारे गम्भीर बहस सुरु भएको छ।

सुनकोशी कांग्रेसमा नयाँ अध्याय: सभापतिमा कुमार शाही निर्वाचित, यस्तो बन्यो पालिका समिति

निशान परियार सिन्धुपाल्चोक । नेपाली कांग्रेस सुनकोशी गाउँपालिकाको गाउँपालिका  १५ औँ अधिवेशन भव्य रूपमा सम्पन्न भएको छ। अधिवेशनबाट कुमार शाही